பெரிய ஹீரோக்களை வைத்து படம் எடுக்க அறிமுக மற்றும் இளம் ஹீரோக்களை வைத்து பல படங்கள் எடுத்து ஹிட் கொடுத்த பிறகு தான் வாய்ப்பு கிடைக்கும் என்ற நிலையை மாற்றி சீரான இடைவெளியில் புதுமுக இயக்குனர்களுக்கும் வாய்ப்புகொடுப்பவர் நடிகர் விஜய்.
தற்போது விஜய் நடித்துக்கொண்டிருக்கும் தலைவா திரைப்படத்தைத் தொடர்ந்து நடிக்கவிருக்கும் ஜில்லா திரைப்படம் புதுமுக இயக்குனரின் திரைப்படம். விஜய் நடித்த துப்பாக்கியும், அடுத்து நடித்துக்கொண்டிருக்கும் தலைவா, ஜில்லா, முருகதாஸ் இயக்கத்தில் நடிக்க ஒப்பந்தமாகியிருக்கும் படம் என வரிசையாக ஆக்ஷன் படங்களாகவே விஜய் கையில் இருக்கின்றன.
தொடர்ந்து ஆக்ஷன் படங்களில் நடித்த்துக்கொண்டிருந்த போது இடையில் விஜய் நடித்த காமெடி கலந்த ரொமான்ஸ் திரைப்படமான நண்பன் மெகா ஹிட் அடைந்ததோடு விஜய்க்கு நல்ல மாறுதலையும் அளித்தது. எனவே ஜில்லா திரைப்படம் முடிந்தவுடன் முருகதாஸ் திரைப்படத்தில் நடிப்பதா? இல்லை ராஜேஷ் இயக்கத்தில் காமெடி சப்ஜெக்ட் எடுத்து நடிப்பதா? என்ற குழப்பத்தில் இருப்பதாக பேசப்படுகிறது.
ராஜேஷ் இயக்கத்தில் கார்த்தி நடித்துக்கொண்டிருக்கும் ‘ஆல் இன் ஆல் அழகுராஜா’ விஜய்க்காக உருவாக்கப்பட்ட ஆக்ஷன் கலந்த முழுநீள காமெடி திரைப்படம் என்பது குறிப்பிடத்தக்கது.
No comments:
Post a Comment