ஜெயப்பிரகாசுடன் காதலா? லட்சுமி ராமகிருஷ்ணன் ஆவேசம்

நடிகர் ஜெயப்பிரகாசுடன் தன்னை இணைந்து அவதூறு பரப்பப்பட்டு வருவதாக நடிகை லட்சுமி ராமகிருஷ்ணன் கண்டனம் தெரிவித்துள்ளார்.

பசங்க படத்தில் வாத்தியார் வேடத்தில் நடித்து பிரபலமான ஜெயப்பிரகாஷ், எதிர்நீச்சல், சென்னையில் ஒரு நாள், கழுகு, மங்காத்தா, மெரினா போன்ற படங்களில் வில்லன் மற்றும் குணசித்திர வேடங்களில் நடித்துள்ளார். லட்சுமி ராமகிருஷ்ணன் இயக்கிய ஆரோகணம் படத்தில் வில்லனாகவும் நடித்துள்ளார். பல படங்களில் அம்மா, அண்ணி கதாபாத்திரத்தில் நடித்த லட்சுமி ராமகிருஷ்ணன், சென்னையில் ஒரு நாள் படத்தில் ஜெயப்பிரகாசுடன் ஜோடியாக நடித்துள்ளார். இந்நிலையில் இருவரையும் இணைத்து இணையதளத்தில் செய்திக்கு தனது டுவிட்டரில் பதிலளித்துள்ளார் லட்சுமி ராமகிருஷ்ணன். ஜெய்பிரகாசுடன், இணைந்து வாழ்வதாக பரப்பப்பட்ட அவதூறு, எனக்கு மிகுந்த மனவேதனை அளிக்கிறது. இந்த வயதில் காதல் எனக்கு தேவையா? எனக்கு கணவர் இருக்கிறார். காதல் அவர்மேல்தான் வரும். இந்த அவதூறை பரப்பியவர் யார் என்பது தெரியும் என்று குறிப்பிட்டுள்ளார்.