ஹன்ஸிகா மோத்வானி தான் இப்போதைக்கு தமிழ்த் திரையுலகத்தையே கலக்கிக்கொண்டிருக்கும் ஹீரோயின். தொடர் வெற்றிகள் மட்டுமல்லாமல் ஹன்ஸிகா மோத்வாடி நடிப்பில் அடுத்து ரிலீஸாகவிருக்கும் சிங்கம் 2, தீயா வேலை செய்யனும் குமாரு ஆகிய இரு படங்களும் ரசிகர்களால் பெரிதும் எதிர்பார்க்கப்படும் திரைப்படங்கள்.
சூர்யா, சித்தார்த், சிம்பு, கார்த்தி என முன்னணி நடிகர்களுடன் நடித்துக்கொண்டிருக்கும் ஹன்சிகா மோத்வானி அடுத்ததாக முருகதாஸ் தயாரிப்பில் சிவகார்த்திகேயனுடன் நடிக்கவிருக்கிறார். டி.வி தொகுப்பாளராக சின்னத்திரையில் நுழைந்த சிவகார்த்திகேயன் படிப்படியாக முன்னேறி எதிர்நீச்சல் திரைப்படத்தில் வசூல் சாதனை படைத்து, தமிழ் சினிமாவின் ஹீரோக்களில் ஒருவராகவும் சாதனை செய்துவிட்டார்.
ஏ.ஆர்.முருகதாஸ் தற்போது துப்பாக்கி திரைப்படத்தை இந்தியில் ரீமேக் செய்துவருவதோடு, அவரது அடுத்த திரைப்படத்தில் நடிக்கவேண்டிய விஜய்யும் ஜில்லா திரைப்படத்தில் நடித்துக்கொண்டிருப்பதால் விஜய்-முருகதாஸ் புராஜெக்ட் 2014 ஜனவரியில் தான் துவங்குகிறதாம்.
இந்தியில் படம் எடுத்துக்கொண்டிருந்தாலும் தமிழில் ஒரு திரைப்படத்தை தயாரித்துவிடவேண்டும் என்ற எண்ணத்தில் ஒரு நல்ல காமெடி ஸ்டோரி லைன் கொண்ட திரைப்படத்தை தயாரிக்க திட்டமிட்டு சிவகார்த்திகேயன் - ஹன்ஸிகா நடிக்கும்திரைப்படத்தை தயாரிக்கிறாராம் ஏ.ஆர்.முருகதாஸ்.
மேலும் ஏ.ஆர்.முருகதாஸ்-விஜய் இணையவிருக்கும் திரைப்படத்தில் ஹீரோயினாக நடிக்க சமந்தாவிடம் பேசப்பட்டு வருகிறதாம். சமீபத்தில் லிங்குசாமி இயக்கத்தில் சூர்யா நடிக்கும் திரைப்படத்தில் சமந்தா கமிட் ஆகியிருப்பது குறிப்பிடத்தக்கது.
No comments:
Post a Comment